لاتلوموني لاقلت مجنون امي

السلام عليكم ورحمة الله وبركاته احببت ان انقل لكم هذي القصيدة الرائعة التي تقف عاجزة امام حب الام وحقها فاتمنى ان تنال على أعجابكم




يمه وأردد معذبه لفظ يمه
يمه يا يمه والغلا عبد لأمي
أنتي فخار المعتلي بألف قمه
أنتي فرج كربة زمانٍ تلمي
يا أصدق عطا بالعمر يا كل ذمه
لك تنحني كل الرجوله بدمي
شفت بشموخك نخوة أبطال وأُمه
من تضحياتك والطفل كان أمي
أنا لمن هو داس لك ظل سمه
وأرويك أنا يمه والأشواق يمي
هواك ما هو يمه اليوم خمه
وحب العذارى صعب مثلي يخمي
ما اهتز قلبي لو تميلين يمه
لو ألف بنت ٍ تقبل اليوم يمي
أقبّل إيدينك تناسيت همه
وجدي وعطفك هو نهايات همي
عنْك الضنى والياس والحزن أزمه
يا ما تساهلتي الألم يوم زمي
وأهديك عين وروح وأشواق جمه
واللي تبينه تامريني وسمي
دين ٍ علي ولازم إني أتمه
وأدري لو أبذل دنيتي ما يتمي
أرجوك ضميني على الصدر ضمه
بأحضانك آمن يا بعد من تضمي
لا خالةٍ عقبك ولا طيب عمه
ولا خال ٍ يعادل ولا جود عمي
حتى أبويه ما استحق المهمه
ولا نصفها ولا ربعها ولو يهمي
وكانه زعل يذكر غلاته لأمه
ولا يلومني لو قلت مجنون بأمي

وسلامتكم