.•**•. أوتــــــار عــــاشــــق .•**•.
جلست اضمد جـروحي وافكـر واسألك مقهور
واساير دمعتي واخفي معالمها من افعالك
أحاول أكشف المستور ولا أدري وش المستور
طـفح كيلي أنا والله من اللي شـفته قـبالك
تزعلني تراضـيني وأنا أرضـى وأنا مجبور
مـثل ماني أنا مـجـبور في حبك وغـربالك
أذوق المر والحرمان وعن عيني يغيب النور
وطـيفك لو يمر لحـظة ينـور ليلي الحـالك
أحب احـساسـك وقلبك وبسمة وجهك المسرور
احبك انته ابكبرك من يمنيك إلى شمالك
احبك والهـوى قطرة وتروي حـبي المهـجور
تصـدق من كثر حـبي عـشـقتك أنت وظـلالـك
سـؤال وودي أقوله وباقـوله وانا معـذور
وابي منك تسـامحـني اذا زعـلني اهـمالك
متى بيحن قلبك لي واصـير باول الـطابور
متى أسـكن أنا قلـبـك واحـقق كل آمـالك
أبيك تجـاوب احـساسي وتجمع حبي المنثور
وتاخذ قلبي المـجنـون في حلك وتـرحـالك
عـشان الأجـوبة بصبر دقايق يوم حتى شهور
اضـمد جـرحي واسـاير دموعي واعشق ظـلالك
الخميس فبراير 21, 2008 12:26 pm
